Трэці пачатак тэрмадынамікі

Шаблон:Тэрмадынаміка, пачаткі Трэці пачатак тэрмадынамікі, трэці закон тэрмадынамікі, тэарэма Нэрнста — сцвярджае, што энтрапія сістэмы пры набліжэнні да абсалютнага нуля тэмпературы імкнецца да нуля:

$\underset{T\to 0}{\lim }S=0.$

Гісторыя

Першы і другі пачаткі тэрмадынамікі не дазваляюць вызначыць значэнне энтрапіі пры звышнізкіх значэннях тэмпературы. На падставе абагульнення эксперыментальных даследаванняў уласцівасцей розных рэчываў быў устаноўлены закон, які ліквідаваў гэты недахоп. Сфармуляваў яго ў 1906 годзе В. Нэрнст (1864—1941), гэты закон мае назву трэцяга пачатка тэрмадынамікі, ці тэарэмы Нэрнста. Тэарэму у сучасны выгляд прывёў 1911 годзе М. Планк (1858—1947).

Прымяненне

Тэарэму можна выкарыстоўваць для вызначэння дакладнай велічыні энтрапіі.

$S=k_B\ln \mathrm{\Omega },$

дзе:

• $S$ — энтрапія сістэмы [Дж/К],
• $k_B$ — сталая Больцмана,
• $\mathrm{\Omega }$ — колькасць мікрастанаў сістэмы.

У класічнай тэрмадынаміцы тэарэма Нэрнста мае абмежаваны ўжытак, бо, у асноўным, пры разліках разглядаецца толькі адноснае змяненне энтрапіі.

Вынікі

Недасягальнасць абсалютнага нуля тэмпературы

Недасягальнасць абсалютнага нуля тэмпературы (-273,15 °C ⁰) можна растлумачыць:

1) У межах класічнай тэрмадынамікі:

Пры абсалютным нулі тэмпературы энтрапія сістэмы будзе роўная нулю:

$S=k_B\ln (1)=0$

Між іншым, гэта азначае магчымасць стварэння вечнага рухавіка другога роду з каэфіцыентам карыснага дзеяння ў 100 адсоткаў:

$\eta =1-\frac{T_2}{T_1}=1,$

што супярэчыць другому закону тэрмадынамікі.

2) Можна сфармуляваць прычыну недасягальнасці абсалютнага нуля тэмпературы некалькі іначай:

Калі сістэма ахалоджваецца метадам паўтарэння цыкла адыябатчнага пашырэння (памяншаецца тэмпература) і ізатэрмічнага сціскання (памяншаецца энтрапія), то пры набліжэнні значэння $T$ да нуля энтрапія прымае значэнне нуля і больш не змяняецца.

Гэта значыць, што пры канечнай колькасці паўтарэння цыклаў можна толькі асімптатычна (чым бліжэй да бесканечнасці, тым дакладней) прыбліжацца да стану з $T=0$.

Часта трэці пачатак тэрмадынамікі таксама мае фармулёўку, якая вынікае з гэтых двух пунктаў:

«Абсалютны нуль тэмпературы недасягальны»

Паводзіны іншых фізічных велічынь

Пры $T\to 0$ будуць таксама імкнуцца да нуля такія велічыні, як:

• $\beta$ — каэфіціэнт цеплавога пашырэння [K ⁻¹],
• $c_P$ — ізабарная цеплаёмістасць [Дж/(кг·К)],
• $c_V$ — ізахорная цеплаёмістасць [Дж/(кг·К)].

Гл. таксама

• Абсалютны нуль тэмпературы
• Энтрапія

Літаратура

• Базаров И. П. Термодинамика — Москва: Высшая школа, 1991. — 376 с.Шаблон:Ref-ru
• Жилко В. В., Лавриненко А. В., Маркович Л. Г. Физика — Минск: Народная асвета, 2002. — 382 с.Шаблон:Ref-ru
• Шаблон:Крыніцы/БПЭ

Спасылкі

• Трэці пачатак тэрмадынамікі, Вялікая Савецкая Энцыклапедыя Шаблон:Ref-ru