Тэрмадынамічная работа

Шаблон:Універсальная картка Шаблон:Тэрмадынамічныя велічыні Тэрмадынамічная работа — спосаб перадачы энергіі, звязаны з зменай знешніх параметраў сістэмы.

Механічная работа вызначаецца як:

$\delta A=(\overrightarrow{F}\overrightarrow{dr})$,

дзе $\overrightarrow{F}$ — сіла, а $\overrightarrow{dr}$ — бясконца малое перамяшчэнне.

Элементарная работа тэрмадынамічнай сістэмы над знешнім асяроддзем можа быць вылічаная так:

$\delta A=(\overrightarrow{F}\overrightarrow{dr})=P(\overrightarrow{ds}\overrightarrow{dr})=PdV$,

дзе $\overrightarrow{ds}$ — нармаль бясконца малой пляцоўкі, $P$ — ціск і $dV$ — бесканечна малы прырост аб’ёму.

Работа ў тэрмадынамічным працэсе $1\to 2$, такім чынам, выражаецца так:

$A=\underset{1}{\overset{2}{\int }}PdV$.

Велічыня работы залежыць ад шляху, па якім тэрмадынамічная сістэма пераходзіць са стану 1 у стан 2, і не з’яўляецца функцыяй стану сістэмы. Гэта лёгка даказаць, калі ўлічыць, што геаметрычны сэнс вызначанага інтэграла — плошча пад графікам крывой. А раз работа вызначаецца праз інтэграл, то ў залежнасці ад шляху працэсу плошча пад крывой, а значыць, і работа, будзе розная. Такія велічыні называюць функцыямі працэсу.

Нягледзячы на тое, што да гэтага часу і ў фізічнай хіміі выкарыстоўваецца абазначэнне работы $A$, у адпаведнасці з рэкамендацыямі ІЮПАК работу ў хімічнай тэрмадынаміцы трэба абазначаць як $W$. Зрэшты, аўтары могуць выкарыстоўваць якія заўгодна абазначэнні, калі толькі дадуць ім расшыфроўку.

Гл. таксама

• Энергія
• Унутраная энергія
• Колькасць цеплыні
• Першы пачатак тэрмадынамікі