Імпульс

І́мпульс — фізічная вектарная велічыня, якая колькасна характарызуе:

• уздзеянне сілы на цела (матэрыяльны пункт) на працягу пэўнага адрэзку часу (імпульс сілы);
• рух цела як функцыю ад яго масы і хуткасці (імпульс або колькасць руху цела).

Сувязь імпульсаў цела і сілы вынікае з другога закона Ньютана:

$𝐅=m𝐚=m\frac{d𝐯}{dt}$

$𝐅dt=md𝐯$

$𝐝{𝐏}_{𝐅}=𝐝𝐩$

Праінтэграваўшы па часе на пэўным яго адрэзку, атрымаем:

${𝐏}_F=\mathrm{\Delta }𝐩$

Такім чынам, змена імпульсу цела за пэўны адрэзак часу роўная імпульсу сілы, што дзейнічае на яго, за гэты адрэзак часу. Таксама імпульс цела колькасна роўны такому імпульсу сілы, які патрэбны для таго, каб прыдаць такі ж імпульс целу з нулявым імпульсам.

Калі на матэрыяльны пункт дзейнічаюць некалькі сіл, то змена яго імпульсу роўная імпульсу раўнадзейнай гэтых сіл. Шаблон:Бібліяінфармацыя