Рацыянальны лік

Рацыяна́льны лікШаблон:Sfn — лік, які можна прадставіць як дзель двух цэлых лікаў або, інакш кажучы, гэта дроб, лічнікам і назоўнікам якога з’яўляюцца цэлыя лікі.

Дадатны рацыянальны лік — гэта лік выгляду $\frac{k}{n}$ , дзе k i n — натуральныя лікі. Напрыклад, $\frac{2}{3}, \frac{8}{5}, \frac{4}{8}$ — дадатныя рацыянальныя лікі. Іх называюць большымі за нуль.

Адмоўны рацыянальны лік — гэта лік выгляду $- \frac{k}{n}$ , дзе k i n — натуральныя лікі. Напрыклад, $- \frac{2}{3}, - \frac{8}{5}, - \frac{4}{8}$ — адмоўныя рацыянальныя лікі. Адмоўны рацыянальны лік можна запісаць ў выглядзе $\frac{- k}{n}$ . Напрыклад, $- \frac{2}{3} = \frac{- 2}{3}$ .

$r = \frac{a}{b}, a \in ℤ, b \in ℤ$

Дроб адмоўнага рацыянальнага ліка звычайна запісваюць так, каб назоўнік быў дадатным. Таму можна сказаць, што рацыянальны лік — гэта лік, які з’яўляецца адносінай цэлага і натуральнага ліка.

$r = \frac{a}{b}, a \in ℤ, b \in ℕ$

Мноства рацыянальных лікаў уключае ў сябе мноства цэлых лікаў, бо любы цэлы лік можна прадставіць як дроб, лічнікам якога з’яўляецца ён сам, а назоўнікам — лік 1.

Мноства рацыянальных лікаў абазначаецца сімвалам $ℚ$ .

Шаблон:Зноскі