Планкаўскі час

Планкаўскі час (Шаблон:Math) — адзінка часу ў планкаўскай сістэме адзінак, уяўляе сабой велічыню, якая мае размернасць часу і, як і іншыя планкаўскія адзінкі, утворана як здабытак фундаментальных пастаянных у адпаведных ступенях. Фізічны сэнс гэтай велічыні — час, за які часціца, рухаючыся з хуткасцю святла, пераадолее планкаўскую даўжыню. Планкаўская сістэма адзінак названа ў гонар Макса Планка.

Па азначэнню,

$t_P=\sqrt{\frac{\hslash G}{c^5}}\approx 5,39121(40)\times 10^{-44}\mathrm{c},$

дзе:

$\hslash$ — пастаянная Дзірака,

$G$ — гравітацыйная пастаянная,

$c$ — хуткасць святла у вакууме,

$t_P$ выражана ў секундах.

Значэнне

Паводле тэорыі Вялікага выбуху, мы нічога не можам сказаць пра Сусвет ў пачатковы момант часу, хоць мяркуецца, што ў ім прысутнічаюць усе фундаментальныя ўзаемадзеянні, а таксама ўсе віды матэрыі і энергіі. Прастора-час пачынае пашырацца з адной кропкі. Праз адзін планкаўскі час пасля гэтай падзеі, згодна з сучаснай тэарэтычнай фізікай, гравітацыйныя сілы аддзяляюцца ад астатніх сіл.

Час, які прайшоў з моманту Вялікага выбуху (4,3·10¹⁷ с), прыкладна раўняецца 8·10⁶⁰ планкаўскім часам.

На сённяшні дзень самы маленькі эксперыментальна назіраемы прамежак часу складае каля аттасекунды (10^-18 с), што адпавядае 10²⁶ планкаўскім часам.

Гл. таксама

• Планкаўская эпоха

Спасылкі

• Формулы для вычисления планковских единиц. Автор: Косинов Н. В. Шаблон:Архівавана
• Лекции по Общей Астрофизике для Физиков. 1.5 Планковские единицы