Правілы Кірхгофа

Шаблон:Электрадынаміка Правілы Кірхгофа (часта, у літаратуры, называюцца не зусім карэктна Законы Кірхгофа) — суадносіны паміж токамі і напружаннямі ў разгалінаваных электрычных ланцугах пастаяннага ці квазістацыянарнага току. Вынікаюць з зараду захавання закону і энергіі заахавання закону для электрычных ланцугоў. Дазваляюць разлічваць складаныя электрычныя ланцугі, напрыклад, вызначыць сілу току і напружанне на любым участку ланцуга па зададзеных супраціўленнях участкаў і ўключаных у іх электрарухаючых сіл (ЭРС).

Устаноўлены Г. Р. Кірхгофам у 1847 годзе.

Першае правіла

Алгебраічная сума токаў, якія збягаюцца ў пункце разгалінавання праваднікоў (вузле), роўная нулю. Токі, якія ўваходзяць у вузел, лічацца дадатнымі, якія выходзяць — адмоўнымі:

$\sum _{j=1}^n{I}_j=0.$

Другое правіла

У любым замкнутым контуры, вылучаным у складаным электрычным ланцугу, алгебраічная сума падзенняў напружанняў на асобных участках контура роўная алгебраічнай суме ЭРС, уключаных у контур.

для пастаянных напружанняў $\sum _{k=1}^n{E}_k=\sum _{k=1}^m{U}_k=\sum _{k=1}^m{R}_k{I}_k;$

для пераменых напружанняў $\sum _{k=1}^n{e}_k=\sum _{k=1}^m{u}_k=\sum _{k=1}^m{R}_k{i}_k+\sum _{k=1}^m{u}_{Lk}+\sum _{k=1}^m{u}_{Ck}.$

Асаблівасці складання ўраўненняў для разліку токаў і напружанняў

Пры разліках напрамкі току і ЭРС лічацца дадатнымі, калі напрамак току супадае з напрамкам абходу контура, а ЭРС павялічвае патэнцыял у напрамку абходу.

Пры складанні ўраўненняў напрамкі току можна задаваць адвольна і, калі пры іх рашэнні для якога-небудзь току атрымана адмоўнае значэнне, гэта азначае, што яго напрамак процілеглы выбранаму.

Літаратура

• Шаблон:Крыніцы/БелЭн
• Кошкин Н. И., Ширкевич М. Г. Справочник по элементарной физике. — М.: Издательство «Наука», 1972. — 256 стр. с ил.