Цеплавое выпраменьванне

Цеплавое выпраменьванне — электрамагнітнае выпраменьванне, якое ўзнікае за кошт унутранай энергіі цела. Мае суцэльны спектр, максімум якога залежыць ад тэмпературы цела. Пры астыванні апошні зрушваецца ў даўгахвалевую частку спектра. Цеплавое выпраменьванне выпускаюць, напрыклад, нагрэты метал, зямная атмасфера і белы карлік.

Прычынай таго, што рэчыва выпраменьвае электрамагнітныя хвалі, з’яўляецца будова атамаў і малекул з зараджаных часціц, з-за чаго рэчыва працята электрамагнітнымі палямі. У прыватнасці, пры сутыкненнях атамаў і малекул адбываецца іх ударнае ўзбуджэнне з наступным высвечваннем. Характэрнай рысай з’яўляецца тое, што пры асерадненні каэфіцыента выпраменьвання паводле максвелаўскага размеркавання, пачынаючы з энергій Шаблон:Math, у спектры пачынаецца экспанентны завал.

У выпадку, калі выпраменьванне знаходзіцца ў тэрмадынамічнай раўнавазе з рэчывам, то такое выпраменьванне называецца раўнаважным. Спектр такога выпраменьвання эквівалентны спектру абсалютна чорнага цела і апісваецца законам Планка. Аднак ў агульным выпадку цеплавое выпраменьванне не знаходзіцца ў тэрмадынамічнай раўнавазе з рэчывам, такім чынам больш гарачае цела астывае, а халаднейшае наадварот награваецца. Спектр такога выпраменьвання вызначаецца законам Кірхгофа.

Асноўныя паняцці і характарыстыкі цеплавога выпраменьвання

Энергетычная свяцільнасць цела

Энергетычная свяцільнасць цела -$R_T$ — фізічная велічыня, якая з’яўляецца функцыяй тэмпературы і колькасна роўная энергіі, якая выпраменьваецца целам за адзінку часу з адзінкі плошчы паверхні ва ўсіх кірунках і па ўсім спектры частот.

$R_T=\frac{W}{tS}$ ; $[R_T]=$ Дж/с·м² = Вт/м²

Спектральная шчыльнасць энергетычнай свяцільнасці

Спектральная шчыльнасць энергетычнай свяцільнасці — функцыя частаты і тэмпературы, якая характарызуе размеркаванне энергіі выпраменьвання па ўсім спектры частот (або даўжынь хваль).

$R_T=\underset{0}{\overset{1}{\int }}{r}_{\omega ,T}d\omega$

Аналагічную функцыю можна напісаць і праз даўжыню хвалі

$R_T=\underset{0}{\overset{1}{\int }}{r}_{\lambda ,T}d\lambda$

Можна даказаць, што спектральная шчыльнасць энергетычнай свяцільнасці, выяўленая праз частату і даўжыню хвалі, звязаны суадносінамі:

$r_{\omega ,T}=\frac{{\lambda }^2}{2\pi c}{r}_{\lambda ,T}$

Паглынальная здольнасць цела

Паглынальная здольнасць цела — $a_{\omega ,T}$ — функцыя частаты і тэмпературы, паказвае, якая частка энергіі электрамагнітнага выпраменьвання, што падае на цела, паглынаецца целам у вобласці частот $d\omega$ каля $\omega$

$a_{\omega ,T}=\frac{d\mathrm{\Phi }{\text{'}}_{\omega ,T}}{d{\mathrm{\Phi }}_{\omega ,T}}$

дзе $d{\mathrm{\Phi }}^{\prime }$ — паток энергіі, які паглынаецца целам.

$d\mathrm{\Phi }$ — паток энергіі, які падае на цела ў вобласці $d\omega$ каля $\omega$

Адлюстравальная здольнасць цела

Адлюстравальная здольнасць цела — $b_{\omega ,T}$ — функцыя частаты і тэмпературы, паказвае якая частка энергіі электрамагнітнага выпраменьвання, што падае на цела, адлюстроўваецца ад яго ў вобласці частот $d\omega$ зблізку $\omega$

$b_{\omega ,T}=\frac{d{\mathrm{\Phi }}^{\prime }{\text{'}}_{\omega ,T}}{d{\mathrm{\Phi }}_{\omega ,T}}$

дзе $d{\mathrm{\Phi }}^{″}$ — паток энергіі, які адлюстроўваецца ад цела.

$d\mathrm{\Phi }$ — паток энергіі, які падае на цела ў вобласці $d\omega$ каля $\omega$

Падрабязней гл. Альбеда

Абсалютна чорнае цела

Абсалютна чорнае цела — гэта фізічная абстракцыя (мадэль), пад якой разумеюць цела, якое цалкам паглынае ўсё электрамагнітнае выпраменьванне, якое падае на яго

$a_{\omega ,T}=1$ — для абсалютна чорнага цела

Падрабязней Абсалютна чорнае цела

Шэрае цела

Шэрае цела — гэта такое цела, каэфіцыент паглынання якога не залежыць ад частаты, а залежыць толькі ад тэмпературы

$a_{\omega ,T}=a_T<1$ — для шэрага цела

Аб’ёмная шчыльнасць энергіі выпраменьвання

Аб’ёмная шчыльнасць энергіі выпраменьвання — $U_T$ — функцыя тэмпературы, колькасна роўная энергіі электрамагнітнага выпраменьвання ў адзінку аб’ёму па ўсім спектры частот

Спектральная шчыльнасць энергіі

Спектральная шчыльнасць энергіі — $U_{\omega ,T}$ — функцыя частаты і тэмпературы, звязаная з аб’ёмнай шчыльнасцю выпраменьвання формулай:

$U_T=\underset{0}{\overset{1}{\int }}{U}_{\omega ,T}d\omega$

Варта адзначыць, што спектральная шчыльнасць энергетычнай свяцільнасці для абсалютна чорнага цела звязана са спектральнай шчыльнасцю энергіі наступнымі суадносінамі:

$r_{\omega ,T}=f(\omega ,T)=\frac{c}{4}{U}_{\omega ,T}$ — для абсалютна чорнага цела

Асноўныя законы цеплавога выпраменьвання

• Закон Стэфана — Больцмана
• Закон выпраменьвання Кірхгофа
• Закон зрушэння Віна

Гл. таксама

• Абсалютна чорнае цела

Літаратура

• Ташлыкова-Бушкевич И. И. Физика. Уч. пособие. В 2 ч. Ч. 2. Минск, 2008

Спасылкі

• Шаблон:З ВСЭ