Каэфіцыент паглынання

Каэфіцыент паглынання — безразмерная фізічная велічыня, якая характарызуе здольнасць цела паглынаць падаючае на яго выпрамяненне. У якасці літарнага пазначэння выкарыстоўваецца грэчаская $\alpha$.

Вызначэнне

Лікава каэфіцыент паглынання роўны адносіне патоку выпрамянення $\mathrm{\Phi }$, паглынутага целам, да патоку выпрамянення ${\mathrm{\Phi }}_0$, што ўпала на цела :

$\alpha =\frac{\mathrm{\Phi }}{{\mathrm{\Phi }}_0}.$

Сума каэфіцыента паглынання і каэфіцыентаў адлюстравання, прапускання і рассейвання раўняецца адзінцы. Гэта сцвярджэнне вынікае з закона захавання энергіі.

У тых выпадках, калі спектр падаючага выпрамянення настолькі вузкі, што выпрамяненне можна лічыць монахраматычным, кажуць аб монахраматычным каэфіцыенце паглынання. Іншая ўжывальная ў такіх акалічнасцях назва мае тое ж значэнне, — паглынальная здольнасць цела.

Калі спектр падаючага на цела выпрамянення шырокі, то адпаведны каэфіцыент паглынання называюць інтэгральным.

У агульным выпадку значэнне каэфіцыента паглынання цела залежыць як ад уласцівасцей самога цела, так і ад вугла падзення, спектральнага саставу і палярызацыі выпрамянення.

Каэфіцыент унутранага паглынання ${\alpha }_i$

У большай ступені характарызуе здольнасць паглынаць выпрамяненне матэрыяламі, а не целамі. Адпаведна, у адрозненне ад каэфіцыента паглынання ў яго вызначэнні выкарыстоўваецца не агульны паток ${\mathrm{\Phi }}_0$, які ўпаў на на паверхню цела, а паток ${\mathrm{\Phi }}_{in}$, што прайшоў праз уваходную паверхню цела.

Такім чынам, каэфіцыент унутранага паглынання ${\alpha }_i$ вызначаецца з суадносін:

${\alpha }_i=\frac{\mathrm{\Phi }}{{\mathrm{\Phi }}_{in}}.$

Паток ${\mathrm{\Phi }}_{in}$ пры гэтым звязаны з ${\mathrm{\Phi }}_0$ роўнасцю:

${\mathrm{\Phi }}_{in}=(1-\rho ){\mathrm{\Phi }}_0,$

дзе $\rho$ — каэфіцыент адлюстравання.

У агульным выпадку, пры распаўсюджванні паралельнага пучка выпрамянення ў асяроддзі, дзе адначасова мае месца паглынанне і рассейванне выпрамянення, каэфіцыент унутранага паглынання звязаны з натуральнымі паказчыкамі паглынання $a^{\prime }$ і рассейвання $r^{\prime }$ суадносінамі:

${\alpha }_i=\frac{a^{\prime }}{a^{\prime }+r^{\prime }}[1-e^{-(a^{\prime }+r^{\prime })l}],$

дзе $l$ - адлегласць, пройдзеная выпрамяненнем у асяроддзі.

Гл. таксама

• Паказчык паглынання
• Каэфіцыент адлюстравання
• Каэфіцыент рассейвання
• Каэфіцыент аслаблення
• Каэфіцыент прапускання