Інтэнсіўнасць (фізіка)

Інтэнсіўнасць — скалярная фізічная велічыня, якая колькасна характарызуе магутнасць, пераносную хваляй у кірунку распаўсюджвання. Колькасна інтэнсіўнасць роўная усярэдненай за перыяд ваганняў хвалі магутнасці выпраменьвання, якая праходзіць праз адзінкавую пляцоўку, размешчаную перпендыкулярна кірунку распаўсюджвання энергіі. У матэматычнай форме гэта можа быць выказана наступным чынам:

$I(t)=\frac{1}{T}\underset{t}{\overset{t+T}{\int }}\frac{dP}{dS}dt,$

дзе $T$ — перыяд хвалі, $dP$ — магутнасць, якая пераносіцца хваляй праз пляцоўку $dS$.

Інтэнсіўнасць хвалі звязана з сярэдняй шчыльнасцю энергіі $w$ ў хвалі і скорасцю распаўсюджвання хвалі $u$ наступнымі суадносінамі:

$I=wu.$

Адзінкай вымярэння інтэнсіўнасці ў сістэме СІ з'яўляецца Вт/м², у сістэме СГС — эрг/с·см².

Інтэнсіўнасць электрамагнітнага выпраменьвання

Электрамагнітнае выпраменьванне (напрыклад, святло) уяўляе сабой сукупнасць хваль, ваганні ў якіх здзяйсняюць напружанасць электрычнага поля і магнітная індукцыя. Электрамагнітныя хвалі пераносяць энергію электрамагнітнага поля, паток якой вызначаецца велічынёй вектара Пойнтынга. Інтэнсіўнасць электрамагнітнага выпраменьвання роўная ўсярэдненаму за перыяд значэнню модуля вектара Пойнтынга :

$I(t)=\frac{1}{T}\underset{t}{\overset{t+T}{\int }}|\overrightarrow{S}(t)|dt,$

дзе вектар Пойнтынга $\overrightarrow{S}(t)=\frac{c}{4\pi }[\overrightarrow{E}(t)\times \overrightarrow{B}(t)].$

Для монахраматычнай лінейна палярызаванай хвалі з амплітудай напружанасці электрычнага поля $E_0$ інтэнсіўнасць роўная:

$I=\frac{c{E}_0^2}{8\pi }.$

Для монахраматычнай цыркулярнай палярызаванай хвалі гэтае значэнне ў два разы больш:

$I=\frac{c{E}_0^2}{4\pi }.$

Інтэнсіўнасць гуку

Гук уяўляе сабой хвалю механічных ваганняў асяроддзя. Інтэнсіўнасць гуку можа быць выражана праз амплітудныя значэнні гукавога ціску $p$ і вагальнай скорасці асяроддзя $v$:

$I=\frac{pv}{2}.$

Гл. таксама

• Гук
• Электрамагнітная хваля