Кінетычная энергія

Кінеты́чная эне́ргія – скалярная велічыня, якая колькасна характарызуе рух цела. Кінетычная энергія вызначаецца як работа, якую трэба здзейсніць над целам, каб перавесці яго ў дадзены стан са стану спакою.

Такім чынам:

$W_{kin}=A_{s,s_0}=\underset{s_0}{\overset{s}{\int }}\overrightarrow{F}d\overrightarrow{r}=\underset{s_0}{\overset{s}{\int }}(m\overrightarrow{a})(\overrightarrow{v}dt)=m\underset{s_0}{\overset{s}{\int }}\frac{d\overrightarrow{v}}{dt}\overrightarrow{v}dt=m\underset{s_0}{\overset{s}{\int }}vdv=m(\frac{v_2^2}{2}-\frac{v_1^2}{2})=\frac{m{v}_2^2}{2}-\frac{m{v}_1^2}{2}.$

Паколькі, па вызначэнні кінетычнай энергіі, $v_1=0$ (пачатковы стан – стан спакою), маем:

$W_{kin}=\frac{m{v}^2}{2}.$

Такім чынам, кінетычная энергія колькасна роўная палавіне здабытку масы цела на квадрат яго скорасці. З гэтай формулы таксама вынікае, што кінетычная энергія залежыць ад выбранай сістэмы адліку.

Формулу для работы можна запісаць так:

$A=\frac{m{v}_2^2}{2}-\frac{m{v}_1^2}{2}=W_{kin,2}-W_{kin,1}.$

Гэта значыць, што работа, зробленая над целам, роўная змяненню яго кінетычнай энергіі.

Гл. таксама

• Патэнцыяльная энергія
• Закон захавання энергіі
• Хаос
• Энтальпія
• Негэнтрапія
• Тэрмадынаміка
• Кінетычны рухавік